10 حقائق لو عرفتيهم عن ابنك هتستريحي وهتبطلي تقلقي من سلوكياته..!!
من الطبيعي لاي ولد الشقاوه والحركه الكتير لكن طلاما بيلعب قدامك وبيتحرك اطمني..
لو انتي ام لولد لازم تعرفي شويه حجات :
1. مفيش ولد نموزجي معروف عن الولاد الحركه والمجازفه..
_لكن مش شرط بردو يكون كل الولاد كدا لازم نراعي الفروقات الفرديه بين كل طفل والتاني!!
2.النجاح مش درجات فورقه امتحان فقط 💯
كل ولد له ميول معينه بيحبها وهينجح في الحاجه اللي بيحبها مش شرط كل نجاحهم متوقف علي امتحان كل اللي عليكي انك تكوني مرنه في مقاييس النجاح وتحاولي معاه فالحاجه اللي بيحبها وتخرجيها منه ساعتها هيكون دا النجاح الحقيقي لما تشوفيه فرحان ومحقق نجاح كبير فالحاجه اللي بيحبها..
3.طبعا مينفعش نطلب من طفل صغير عنده 5 سنين انه يفضل قاعد طول اليوم ساكت وميتحركش طبعا دا مستحيل.. الاطفال بتتعلم من الحركه والتجربه والمحاوله والخطأ.
_اكبر خطأ في معظم المدارس انهم بيخلو طول اليوم تعليم اكاديمي فقط وطبعا دا بيأذي الطفل مش بيساعدو..
4. لما تلاقي ابنك بيلعب بالعصا ويتظاهر انه بيلعب يالسيوف والبنادق دي ظاهره صحيه ملهاش علاقه بالعنف نهائي.. بالعكس اللعب بالشكل دا بيساعد الاولاد يتخلصو من بعض مشاعر الخوف.
5. بسمع كثير من الاباء والامهات ديما يرددو كلمه مفيش راجل بيعيط!! ونتج عن ذلك رجاله مش عارفين يعبرو ويصرحو بمشاعرهم متجمدين.. خلاص كفايه الي فات عاوزين نربي اجيال بتحس وبتعرف تعبر عن مشاعرها بكل شجاعه وبدول خجل وتجمد.
6.لازم تحترمي اهتماماته. انتي مثلا ممكن تكوني شايفه الحاجه اللي هو بهايفه ومتهم بيها دي هايفه وبتضيع وقته.. لكن فالحقيقة مفيش حاجه هايفه دي حاجه هتوصله لحاجه تانيه وثالثه.
_ لو حد كان قال لجدودنا زمان اننا هنبقي قاعدين دلوقتي ماسكين تليفون فأدينا وبنشوف العالم كله من خلاله كان حد صدقنا!..
7.ديما عرفي ابنك بطريقه غير مباشره معلومات عن اعضاء جسمه لاننا في الوقت الحالي كل حاجه منفتحه فلازم تكوني انتي المصدر الموثوق اللي بيقدر يعرف منه كل حاجه. متتكسفيش تحكيله وتتكلمي معاه وتردي علي اي سؤال بيسأله مع مراعاه المرحله العمريه ومراعاه اللباقه والحياء في الحوار.
8. الطفل بيبدء يستكشف جسمه من سن 3 سنين ومفيش احساس بالمتعه الجنسيه قبل 12 سنه فلما تلاقيه بيضحك وهو بيستكشف اعضائه متسوطيش فوشه وتزعقيله وتخافي من سلوكه دا لان دا مش سلوك يعني مثلا انتي لو شفتيه ماسك ودنه او انفه هتزعقيلو!! لا طبعا اهيه دي بالنسبالو زي دي ولسا مش فاهم ايه الفرق.. انتي عرفيه دا ايه وفايدته ايه وتكون المعرفه علي اد السن بمعني ان العضو دا ربنا خلقهولنا علشان نعمل منه "بي بي" 🙈. متقوليش اكتر من كدا.. والهيه بقي بأي حاجه حواليه.
9. طبعا الولاد مختلفين عن البنات يعني ابنك مختلف عنك.. فطبعا اي تجربه مريتي بيها هتبقي مختلفه عن تجاربه وطبيعته كولد.
طيب يبقي واحنا بنربي لازم نراعي الاختلاف بين كونو ولد وانتي بنت بمعني اننا لازم نعرف الفروقات ونستوعب الاختلاف عشان نقدر نربيهم صح وبفاعليه اكبر.
10. الاولاد الاصحاء الواثقين من نفسهم بكره هيبقو رجاله اصحاء هم رجال واثقين من نفسهم دا الجيل الجديد اللي بنحلم يكون افضل..!
_ وانا وانتي اللي هنقدر نقدم دا مع ولادنا..
ياريت كل الولاد يبقوا تربيتهم سليمه كداا لان فعلا التربيه السليمه هي ال بتخليه واثق من نفسه لمي يكبر وميخافش من حاجه
ردحذف