عندك بيبي جديد يبقي لازم تعرفي الحجات دي

 

* انتي ام لنونو جديد وداخله عالشتا لازم تكوني عارفه شويه حجات عن البيبي وعن بشرته واحتياجات البيبي ❤

••  فبدايه الشتا كتير من الامهات بتبقي لسا مش عارفه تلبس ابنها كام قطعه وخصوصا لو بيبي لسا صغير فعمر شهور.!

اول حاجه لازم تعرفيها 👇

1 _مش عشان الشتا دخل علينا يبقي تزودي التدفئه وتخنقي طفلك من كتر اللبس لا غلط جدا علي بشرته.

 •• وكمان زياده تدفئه البيت بيخلي الطفل يعرق كتير وبشرته تجف جداا يأما لو البيت دافئي اووي خففي قطع الملابس الخاصه بالطفل.. 

2_ لما تيجي تحمي البيبي متستخدميش صابون عادي عشان المواد الكيميائيه فالصابون بتأذي بشره الطفل وبتسبب للبشره الجفاف.. 

•• ومده الاستحمام للبيبي لا تزيد عن ربع ساعه عشان المياه الكثيره علي جسم الطفل بتسبب حساسيه  وجفاف البشره.. 

 ⬅️ واهم حاجه بعد مطفلك يستحمي تنشيفه كويس جدااا خصوصا منطقه الحفاض والتنشيف يكون عباره عن طبطبه لان وجود المياه في منطقه الحفاض بيسبب تسلخات للطفل فلازم تخلي بالك من النقطه دي جداا..

3_  حافظي علي انك تدهني جسم ابنك بلوشن مرطب بعد كل حمام  دافئ  🛀  عشان جلد البيبي ميجفش ولازم طبعا قبل متدهني اللوشن يكون جسم البيبي ناشف عشان ميحصلش تسلخات للطفل..

4_ الطفل في الشتا الحفاض بتاعو بيسرب وخصوصا فتره الليل او الفتره اللي بيكون نايم فيها  طيب ليه هقولك بكل بساطه لان العرق ففتره الشتا بيقل والحمام بيزيد وطبعا بتكوني  ملبسه ابنك ملابس كتيره مع حركه البيبي اثناء نومه بيحرك الحفاض  وبيسرب وبالتالي بتلاقي كل هدومه مبلوبه وبتضطري تغيريلو كل هدومه عشان ميبردش وكمان عشان متحصلهوش تسلخات. 

 •• طيب الحل ايه هقولك لازم وقت النوم تخففي قطعه ملابس ولازم بردو قبل النوم تكوني داهنه كريم مناسب لبشره البيبي عشان التسلخات ومكان الحفاض ميلتهبش  وكمان هاتي حفاضه درجه اكبر من مقاس ابنك..

5_ طبعا وقت اختيارك للوشن المناسب لابنك لازم تختاري كريم في مكونات طبيعيه اكثر  كمان يكون بيحتوي علي زنك عشان يحمي البشره من الجفاف والتسلخات والاتهابات...