6 اكلات خرافية تناسبكي لاقامة عزومة للعائلة كلها مع الوصفات _ عالم حواء

 👈🏼 6 اكلات خرافية تناسبكي لاقامة عزومة للعائلة كلها مع الوصفات.

  👇👇👇👇👇👇👇👇👇👇👇

🔥وصفات متنوعة ومختلفة من كافة البلدان العربية ، تختلف نكهتها كلما قمتي بتغير احدى المقادير ، وحتما ستكون مرضية للجميع لتنوعها بين الوصفات المشوية بالفرن او المقلية او الغنية بالتواهبل. 🔥🔥

1- صينية البطاطس بالخضار بشكل انيق وخرافي .

⬅️ طريقه عمل صنيه البطاطس:

 تعتبر البطاطس من الاكلات التي لها اهميه كبيره للجسم لاحتوائها على الكثير من الفوائد على صحة الانسان . 

 ويوجد اكثر من طريقه لعمل البطاطس . 

 فمنها المسلوق والمطبوخ والمحمر وجميع الطرق جميله جدا ويحبها الكبار والاطفال. 

 

🌸واليوم سوف اعرض لكم طريقه صنيه البطاطس  باللحمه المفرومه.

  ⬅️ المكونات: 

1. نْصٍ گيَلُۆ لُحٍمہ مفَرۆمہ. 
2.  2 بْصٍلُہ گبْيَرہ.
3.  5 حٍبْآتٌ طُمآطُم  ۆ 2 گيَس صٍلُصٍہ.
4.  5 حٍبْآتٌ منْ آلُبْطُآطُس.
5. 2 فَصٍ ثْۆم.
6.  ملُحٍ ۆفَلُفلُ آسۆدِ.

 🍂 طريقه التحضير:

1. نفرم البصل فالكبه او المبشره ونضعه  في وعاء غويط علي اللحمه المفرومه ونضع الملح والفلفل الاسود ونقلبهم مع بعض كويس. 
2.  نقوم بغسل حبات البطاطس.. ونقطعم شرائح مدوره سميكه غير رفيعه عشان متتهرسش ونضع البطاطس فطبق غويط ونضع عليها ماء وملح الي ان نفرم الطماطم فالخلاط الكهربائيّ ونفرم الثوم جيدا.
3.  ونبشر البصله التانيه انا بحب البصل يكون مبشور فصنيه البطاطس وميكونش متقطع شرائح ولو بتحبي البصل شرائح قطعيه شرائح حسب رغبتك..
4. وهنقطع 3 حبات من الطماطم شرائح لكي نضعها بين كل بطاطسايه هنحط كفتايه وطمطمايه واحنا بنرص الصنيه .

  ⬅️ وبكدا نكون جهزنا كل حاجه .

◾ نيجي بقي لطريقه التجهيز: 

1. هنجيب الصنيه اللي هنعمل فيها البطاطس.
2. ندهنها بمعلقه الزيت.
3. نبدا برص شرائح البطاطس والكفته والطماطم .
4. وطبعا اللحمه المفرومه كورناها كور.
5. نضع فكل صف بطاطسايه وكفتايه وطمطمايه حبيتي تحطي شرائح بصل علي حسب رغبتك..
6.  بعد الانتهاء من رص البطاطس والكفته نضع عليهم الطماطم المضروبه فالخلاط وشويه فلفل اسود وملح.
7. وحطي الصنيه عالنار وبعدها ضعي معلقه السمنه وفصين الثوم.. 
8. ووبعد خمس دقائق من وضعها عالنار ضعي كوبايه شوربه عليها عشان متنشفش منك ولما الشوربه تقل زودي شوربه الي ان تنضج صنيه البطاطس.
9. بعد ان تنضج صنيه البطاطس ممكن تضعيها في الفرن شويه حتي تأخذ اللون الذهبي.. 

وبكدا تكون وصفتنا خلصت 

2-طريقه عمل الفراخ البانيه بطريقه جديدة .

الفراخ البانيه من اكتر الوصفات اللي كل البيوت بتحبه.

وكمان سهل جدا فعمله وممكن يتقدم بكذا بطريقه.

زي انه ممكن يتقدم جمب المكرونه والبطاطس المحمره والسلطه..

وممكن جمب الرز بالشعريه وسلطه وبطاطس محمره..

 وممكن يتعمل سندوتشات ..

1. وقت التحضير / ساعه.
2. وقت الطبخ / نص ساعه.

⬅️ المكونات:_

1. نص كيلو فراخ بانيه..
2. بصله كبيره..
3.  ملح وفلفل اسود.. 
4. 2 بيضه..
5. معلقه كركم.. 
6.  معلقتين خل..
7. 2 كوب دقيق.. 
8. فيجيتار +  بقسماط..
9. زيت للقلي..

⬅️ الطريقه: 

• نغسل البانيه جيدا بالخل ونصفيه كويس من الماء. 

• نبشر البصله.

• نضع البصله علي البانيه والفلفل الاسود والملح والكركم والخل ونقلبهم عالبانيه كويس ونتركه ساعه حتي يتم تتبيله جيدا..

 • بعد ان تم تتبيل البانيه نبدأ: 

• بوضع البيض في وعاء عميق وتبلي البيض بقليل من الملح والفلفل الاسود وقلبيه جيدا بشوكه.. 

•  ثم نضع الدقيق في طبق  والفيجتار او البقسماط في طبق آخر. 

•ضعي شرائح البانيه علي الدقيق ثم علي البيض 

 ثم علي الفيجيتار او البقسماط.. 

• ضعي البانيه فالثلاجه مده تتراوح من 10 دقائق لربع ساعه حتي يرتاح البانيه..

• في مقلاه عميقه ضعي الزيت علي النار واول مالزيت يسخن نضع شرائح البانيه علي النار وعندما يصبح لونه دهبي نقوم بتقليبه علي نار عاليه ثم نار هادئه الي ان يتم نضجه.

• ارفعي شرائح البانيه من علي  النار وضعيه علي مناديل المطبخ وكرري عمليه تحمير البانيه حتي تنتهي الكميه..

وبألف هنا

3- الفراخ المشويه في الفرن .

         

 🍂 المكونات اللازمة لتحضير الوصفة .

1. فرخه مخليه ومفتوحه من الضهر. 
2. بصله كبيره. 
3. 1  حبه طماطم .
4. معلقه كبيره زيت. 
5. معلقه كبيره ليمون. 
6.   توم وبصل بودر. 
7. ملح  وفلفل اسمر.

 🍂 طريقه التحضير:-

هنضرب المكونات كلها مع بعض فالكبه البصله مع الطمطمايه مع معلقه الزيت وعصر الليمون والبهارات كلهم هيتضربو مع بعض لغايه مينعمو خالص.

 • طبعا هنغسل الفرخه كويس جدا بالماء والملح والخل وندعكها بالدقيق عشان الزفاره وياريت نخلي ديما دي طريقتنا فغسل الفراخ تبقي الطريقه المعتاده لغسلها بتخلي ريحتها مفيهاش اي زفاره ونضيفه فله.

• نرجع للتتبيله بعد لما نضرب التتبيله كويس هنحطها علي الفرخه في طبق غويط ونتبل الفرخه بيها كويس ونسبها لتاني يووم فالتتبيله.

◾ نيجي بقي للتسويه .

 هنحط الفرخه في شبكه ونحطها علي الرف اللي فالنص في الفرن ونحط صنيه فيها مايه فأرضيه الفرن عشان تطلع بخار عشان البخار يحافظ علي الفراخ وتطلع طريه ومتنشفش!

• ونشغل الفرن والشوايه مع بعض لحد مالفرخه تاخد لون الشوي تقومي طافيه الشوايه وتسيبي الفرن من تحت بس لحد متكمل سواها.

وبألف هنا وشفا

 4-تشيكين ستربس الوصفة التي لا تقاوم .

   

🍂 المكونات:-

1. كيلو صدور فراخ متقطعه صوابع. 
2.  بهارات فراخ..
3.  2 علبه زبادي.
4. زعتر ناشف..
5.  ملح  وفلفل اسود.
6.  معلقه كبيره توم مفروم..
7. خل وليمون..
8.  بيض.
9. دقيق.
10.  بقسماط مطحون.
11. كورن فليكس مطحون طحنه خفيفه.

🍂طريقه التحضير:-

 في بوله غويطه نحط الزبادي وعليه كل البهارات والتوم المفروم والخل والليمون.

وهننقع الفراخ فالتتبيله دي لمده لا تقل عن ساعتين وبعد منطلعها من التتبيله نحطها فالدقيق بعد كدا البيض بعد كدا البقسماط ملحوظه ( الكورن فليكس اللي ضربناه ضربه خفيفه هنحطه علي البقسماط)!! ونقلبهم مع بعض كويس.

بعد محطينا الفراخ فالدقيق والبيض والبقسماط هنحط الفراخ فالتلاجه حوالي تلت ساعه لنص ساعه.

وبعدين نطلعها ونحمرها

 وبألف هنا وشفا

 5- استيك بدبس الرمان الشهي .

    

 🍂المكونات: 

1. نص كيلو شرايح استيك. 
2. معلقه صغيره توم مفروم. 
3. معلقه كبيره دبس رمان. 
4.  معلقه كبيره صويا صوص. 
5. ملح  وفلفل اسمر. 
6. معلقه زيت ومعلقه زبده .
7.  نص كوب ماء.

🍂 الطريقه:-

 في طاسه كبيره سخنه عالنار هنحط الزيت والزبده وننزل التوم ونقوم بتقليبه ونضيف الاستيك ونتبل بملح وفلفل ونسيب الاستيك لحد ما ياخد لون التحمير ونضيف دبس الرمان والصويا صوص ونزود الماء ونغطي عليه ونسيبه لحد ما يستوي من غير مينشف. 

وبكدا تكون وصفتنا خلصت 

وبألف هنا 

الشيش طاووك  بطريقة خرافية .

 

💥المقادير:-

1. صدور فراخ مخليه مقطعه مكعبات او وراك مخليه.
2. بهارات فراخ.
3.  زبادي.
4. معلقه كبيره توم مفروم..
5.  ملح  وفلفل اسود..
6.  زعتر ناشف.
7.  السبع بهارات.
8. خل وليمون.

💥طريقه عمل الشيش طاووك:-

نحط الزبادي عليه كل البهارات والخل والليمون والتوم المفرووم ونقلبهم كويس وبعدين نحط عليهم قطع الفراخ ويستحسن نسبها فالتتبيله قبلها بيوم.

ونحطها فاسياخ سواء الاسياخ الحديد او الخشبيه.

ونضع معها شرائح البصل والفلفل والطماطم حسب رغبتك.

ونقوم بتسويتها علي الجريل.

وبكدا تكون وصفتنا خلصت مفيش اسهل ولا اطعم من كدا. 

هذه ستة وصفات شهيه وخرافية بالامكان تجهيزها خلال شهر رمضان اذا كان لديكي عزومة للعائلة كلها ، فهي متعددت الاذواق والنكهات ، وحتما سوف ترضي الجميع بدون اي استثناء .

وبالامكان الاستغناء عن بعض المكونات المذكورة فهذا يعود الى رغبتكي وطريقتكي الخاصة في اعداد الطعام ومدى توفر كل هذه المكونات .