4 وصفات مجمعين للحلويات
( الايس كريم _ كريب النوتيلا _ بودينج النوتيلا _(كب كيك بالاوريو)
🍂 الايس كريم من الاكلات الصيفيه والشتويه كمان الرائعه اللي بيحبها كل الاطفال مش بس كدا دا الكبار كمان بيحبوه جداا،
جبتلكو وصفه الايس كريم 🍧🍧🍧🍧
👈🏼 تعالو نشوفها مع بعض 🍦🍦🍦🍨🍧
⬅️ المقادير اللي هنحتاجها /
◾كريم شانتيه.
◾ كوب حليب 🥛 بودر..
◾ نصف كوب ماء مغلي.
◾ كوب سكر.
◾ كيس فانيليا.
◾ معلقه زبده.
⬅️ طريقه التحضير /
◾ احضري بوله غويطه وضعي فيها الماء المغلي وعليها اللبن البودر وضعي عليهم السكر وقلبيهم كلهم مع بعض كويس الي ان يصبح حليب 🥛 مكثف..
◾ احضري الكريم شانتيه في بوله واضربي بالمضرب اليدوي وضيفي اليه الحليب المكثف والفانليا.
بعد متخلصي خطوه الضرب ضعيهم كلهم في طبق بيركس ودخليه في الفريزر لمده نص ساعه..
◾ بعد مرور نصف ساعه اخرجي الخليط من الفريزر
اضربي الخليط بالمضرب الكهربائي الي ان يصبح متماسك وارجعي دخليه في الفريزر تاني لمده لا تقل عن 8 ساعات.
◾ كدا الايس كريم جاهز وممكن تقديمه فاي وقت تحبيه. 🍧
_ 2 _ ثاني وصفه معانا انهارده هي وصفه 🌸
👈🏼 كريب النوتيلا 🥧🤎
⬅️ المقادير /
◾ كوب حليب.
◾نصف كوب ماء.
◾ 2 بيضه.
◾ 6 معالق كبيره من الزبده السايحه.
◾ نصف كوب نوتيلا.
◾ رشه ملح.
◾ كوب دقيق.
◾ بياض بيضه.
⬅️ طريقه التحضير /
◾ في طبق غويط ضعي البيض والحليب والماء ورشه الملح اضربيهم كويس مع بعض..
◾ بعد ذلك ضيفي الدقيق وقلبي كل الخليط مع بعض لحد ميبقي متجانس.
◾ بعد ذلك ضيفي الزبده السايحه علي الخليط السابق
وقلبي كويس الي ان يمتزج كل الخليط مع بعض.
◾ شغلي الفرن علي درجه حراره متوسطه واستخدمي طاسه تيفال وضعي فيها ربع كوب من الخليط علي الطاسه وافردي العجين فالطاسه بحيث يكون العجين متساوي ممكن تستخدمي معلقه في فرد العجين..
◾ اول متلاقي الجزء اللي تحت لونه اصبح ذهبي اقلبيه علي الوش التاني الي ان يتم سواه ويصبح لونه ذهبي.
◾ كدا الكريب جاهز ، ابدئي ادهني عليه النوتيلا بالكميه المناسبه اللي تحبيها.
◾ ممكن بعد متدهني النوتيلا تلفي الكريب مدور ، او علي شكل مثلث كما هو موضح بالصوره او اي شكل تحبيه وممكن ترشي سكر بودر اذا حبيتي وتزينيه بالفراوله وقدميه..
꧁ كدا وصفتنا خلصت وبألف هنا ꧂
🌸ومعانا الوصفه الثالثه وهي /🌸
🌸 🤎 بودينج النوتيلا 🤎🌸
⬅️ تعالو نشوف الطريقه مع بعض 💝💐
👈🏼 المقادير /
◾ 3 اكواب من الحليب.
◾ ربع كوب سكر.
◾ ثلث كوب نشا.
◾ نصف كوب نوتيلا.
◾ استخدمي بسكويت 🍪 من النوع اللي بتحبيه او ولادك بيحبوه.
⬅️ طريقه التحضير /
◾ احضري حله متوسطه وضعي فيها الحليب والسكر والنشا وقلبيهم مع بعض كويس وبمجرد ان النشا يذوب ابدئي حطي الحله علي النار وقلبيهم مع بعض كويس
لغايه مالخليط يوصل للغليان،، ارفعيها من علي النار كدا بقت معانا عباره عن مهلبيه، وزرعيهم بقي في اطباق التقديم ، قومي بتفتيت البسكويت ووزعيه بطبقه علي المهلبيه ، وبعدين ضيفي طبقه من النوتيلا فوق طبقه البسكويت وبعدين ضعي طبقه اخري فوق النوتيلا من المهلبيه علي جميع الاطباق وبعدين ضعي البسكويت المفتت مره اخري وعليه طبقه من النوتيلا ، وممكن في الاخر تزينيها بطبقه من الكريمه المخفوقه..
꧁ وبكدا تكون خلصت وصفتنا وبالف هنا ꧂
💐 الوصفه الرابعه معانا انهارده وهي 💐
꧁ كب كيك بالاوريو ꧂
الكب كيك كل ولادنا بيحبوه حاجه كدا صغننه وجميله
ومش بس كدا لا دا كمان سهل جدا فعمله 🥰🥰
⬅️ تعالو نشوف الطريقه مع بعض 💜
👈🏼 المقادير /
◾ 2 كوب من الدقيق.
◾ كوب ونص من السكر البودر.
◾ 4 بيضات.
◾ ربع كوب زيت.
◾ علبه زبادي.
◾ كيس من الفانيليا.
◾ معلقتين صغار من البيكنج بودر.
👈🏼 طريقه التحضير /
◾ هاتي بوله غويطه وابدئي حطي فيها البيض والفانليا والسكر والزبادي والزيت وقلبيهم كلهم مع بعض كويس اووي قلبيهم مده تترواح ال 3 دقائق ،
◾ بعد ذلك ضعي الدقيق والبيكنج بودر علي الخليط السابق وقلبيهم مع بعض كويس الي ان يمتزجو مع بعض،
◾ تكوني مجهزه قوالب الكب كيك ، ابدئي وزعي الخليط في قوالب الكب كيك حطي حبه مش كتير وبعدين حطي علي كل قالب واحده اوريو وفوق الاوريو ضعي جزء بسيط من الخليط ومتمليش القالب اووي لانه بيزيد.
◾ بعد ذلك قومي يوضع القوالب في صنيه ودخليها في الفرن علي درجه حراره 180 درجه مئويه..
وتابعيها لانها مبتاخدش وقت اول متلاقي وشها بقي دهبي طلعيها من الفرن 🌸🥰
꧁ وبألف هنا ꧂
تعليقات
إرسال تعليق