افضل 17 وصفه طبيعيه وصحيه للبشره 👌♥
هقدم لكم انهارده شويه وصفات مفيده جدا للبشره
تعالو نشوفها سوااا
1- وصفه الخيار المنعش للبشره
اضربي الخيار في الخلاط وبعد متضربيه حطيه في قوالب تلج وحطيه في الفريزر
وكل شويه خدي مكعب ومشيه علي بشرتك الوصفه دي جميله اوووي في الصيف
- جربيها ..
2- ماسك بياض البيض مع العسل
( معالج للحبوب )
- هاتي بيضه وخدي البياض اللي فيها وضعي عليها معلقه عسل ودوبيهم مع بعض جيدا وبعدين ادهني بيه البشره لمده نصف ساعه واستمري عليه يوم بعد يوم بيقلل من الحبوب واثارها ..
بس قبل متسخدميه اعملي اختبار للبشره اذا كانت بشرتك حساسه بتتحسس من المسكات ام لا ..
3- ماسك النشا لاثار الحبوب /
معلقه نشا مع معلقه كبيره من ماء الورد دوبيهم مع بعض كويس وحطي علي الاماكن اللي فيها اثار حبوب وبعد ما ينشف علي وجهك اشطفيه بماء دافيئ ممكن تستخدميه كل يوم ..
4 - ماسك النشا للمسامات الواسعه /
- احضري معلقه نشا كبيره مع كوب من الماء وهندوبهم مع بعض وسخنيهم مع بعض علي نار هادئه الي ان يصبح مثل الكريم
يستخدم هذا الماسك للبشره الدهنيه والبشره المختلطه وحاولي تستخدميه كل يوم فهذا الماسك يعتبر من الروتينات اليوميه للبشره الدهنيه والبشره المختلطه فحافظي علي استخدامه يوميا وضعيه علي بشرتك لده ربع ساعه ..
5- ماسك الاسبرين للحبوب
بتستخدمي في هذا الماسك قرص اسبرين ( ريفو ) ؛ مع معلقتين خل ومعلقتين من الماء ؛
دوبيهم كويس مع بعض علي ان يدوب قرص الاسبرين نهائيا وبعد ذلك احضري القطن الخاص بالاذن واغمسيها في الماسك وضعي الماسك علي اماكن الحبوب فقط ؛ بس قبل متحطيه علي اماكن الحبوب كلها ضعيه الاول علي حبايه واحده فقط كاختبار لبشرتك اذا كان يتحسس من هذا النوع من العلاجات .
6 - وصفتين لحبوب الظهر .
- الوصفه الاولي /
نصف كوب من خل التفاح + كوب من الماء
ضعيهم في زجاجه بخاخ ورجيهم مع بعض كويس ؛ ورشي علي ظهرك يوميا ..
- الوصفه التانيه /
-معلقتين عسل + نص لمونه + معلقه قرفه
دوبيهم مع بعض وبعدين ادهنيهم علي اماكن الحبوب في الظهر ..
7 - ماسك القرفه والعسل للحبوب /
- هنحتاج في الوصفه دي معلقه قرفه ومعلقه عسل ودوبيهم مع بعض كويس وادهنيهم علي بشره نظيفه و اتركيه علي بشرتك لمده 15 دقيقه وبعد ذلك اشطفي بشرتك بماء دافيئ ؛
ممكن بعد كدا تعملي تونر طبيعي لبشرتك باستخدام نص لمونه ومعلقتين كبار من الماء وادهني بيهم بشرتك بعد الماسك واستخدميه مرتين في الاسبوع علي الاقل.
8 - ماسك العسل بالجلسرين والليمون /
( لعلاج الحبوب )
-احضري 3 معالق عسل + نص معلقه جلسرين + نص لمونه .
اخلطيهم مع بعض وادهنيه علي الحبوب واتركيه علي بشرتك لمده ساعه علي الاقل اهم حاجه في الماسك دا انك تستخدميه يوميا فان لم تستخدميه يوميا فلا داعي منه عشان يجيب معاكي نتيجه في علاج الحبوب ..
الاستخدام للبشره الدهنيه والمختلطه فقط لا يستخدم هذا الماسك للبشره الحساسه ..
9 - ماسك اخر لازاله الحبوب
( معلقه لبن بودر + معلقه ماء ور + نص ليمونه )
اخلطي المكونات علي بعضها وضعيه علي بشرتك لمده ربع ساعه ؛ لو معندكيش حبوب ممكن تستغني عن الليمون ؛
الماسك دا بيدي نضاره ونعومه وتفتيح ..
10 - ماسك الزبادي والخيار /
( لتفتيح ونضاره البشره )
- قشري الخياره واهرسيها واخلطيها مع معلقتين زبادي وحطيه ربع ساعه علي بشرتك حاولي تستخدميه كروتين يومي ممتاز للنضاره والتفتيح ..
11 - ماسك لحيويه ونضاره البشره /
- معلقتين لبن بودر + معلقتين ماء ورد .
قلبيهم مع بعض وادهنيهم علي بشرتك لده ربع ساعه وبعد مرور الوقت اشطفي وجهك بالكثير من الماء ..
قبل ان تضعيه علي بشرتك بالكامل اعملي اختبار للماسك علي بشرتك من التحسس .
12 - ماسك اخر لتفتيح ونضاره البشره /
( ربع موزه + اي نوع كريم مرطب )
اهرسي الموزه مع الكريم وضعيه علي بشرتك لمده ربع ساعه وبعد ذلك امسحي بشرتك بقطعه قماش مبلوله ..
يساعد هذا الماسك علي التفتيح والنضاره ..
13 - ماسك للتجاعيد وتوحيد لون البشره + ازاله الشوائب والاتربه من علي البشره وكمان مضاد للتجاعيد /
- ( معلقه لبن + معلقه عسل + نصف معلقه قرفه + كيس فانيليا )
-ضعي اللبن ومعاه القرفه وعليه كيس الفانيليا والعسل وامزجي المكونات كلها مع بعض كويس وضعيها علي بشرتك لمده ربع ساعه واستخدميه من مرتين الي ثلاث مرات في الاسبوع ..
- اعملي اختبار وضعيه علي جزء صغير من الوجه لاختبار التحسس ..
14- ماسك النضاره وازاله الشوائب من البشره ممتاز /
معلقه لبن بودر + معلقه ماء ورد + معلقه شوفان مطحون او دقيق شوفان + معلقه زيت لوز حلو او افوكادو .
امزجي جميع المكونات مع بعضهم جيدا وضعيه علي بشرتك لمده ربع ساعه ..
15 - ماسك تجديد البشره وشدها /
- (معلقه قهوه + معلقه لبن + معلقه عسل ابيض )
- امزجيهم مع بعض وادهنيهم علي البشره والرقبه فالقهوه مفيده جدا للبشره فتساعد علي شد الوجه والتخلص من التجاعيد فالقهوه والعسل
مضاده للاكسده ..
هذا الماسك للبشره الدهنيه والمختلطه بلاش البشره الحساسه ..
اثناء غسيل البشره اغسليه براحه وبحركه دائريه كانه اسكراب ..
16 - ماسك للكلف والبقع والنمش والحبوب /
- ( معلقه صغيره من الكركم + معلقه صغيره من الزبادي + نص لمونه ).
امزجيهم مع بعض وضعيهم علي بشرتك لمده ربع ساعه.
استخدمي هذا الماسك من مرتين لثلاثه في الاسبوع ..
17 - ماسك البرتقال لنعومه وانتعاش البشره ..
( نص برتقاله + معلقه عسل ابيض ).
اعصري نص البرتقاله زي مبتعصري الليمون باديكي ودوبي فيها العسل وادهنيها علي بشرتك نصف ساعه ممكن تستخدمي الماسك دا مرتين فالاسبوع ..
- اعملي اختبار لتحسس البشره علي جزء صغير من البشره اولا ..
ملحوظه مهمه/ قبل استخدام اي ماسك من هذه الماسكات لازم تعملي اختبار للتحسس من التهاب البشره في جزء صغير من البشره ويفضل منطقه الذقن ..
تعليقات
إرسال تعليق