3 وصفات للحويات ( بان كيك _ الميني تارت _ وكيكه البرتقال) بأسهل طرق تعالو شوفوها _ عالم حواء

 ثلاث وصفات للحلويات ولا اروع

البان كيك _ كيك البرتقال _ ميني تارت

للعزومات والحفلات وكمان لو حابه تعمليهم فرمضان، يعني من الاخر هتظبطي ولادك واسرتك كلها. 

تعالو نشوف مع بعض الوصفات وهبدأ بأول وصفه محببه لقلبي جدا وهي 💝💝

🧇🧇البان كيك 🧇🧇

البان كيك

 

البان كيك  🥞🥞🥞🥞

👈🏼  المقادير / 

1. كبايه حليب 🥛 دافئ..
2.  2 بيضه..
3.  كبايه ونص دقيق متعدد الاستخدامات.
4.  2 معلقه بيكنج بودر.
5.  معلقه كبيره سكر.
6.  معلقه صغيره كربوناتو.
7.  كيس فانيليا او معلقه صغيره فانيليا.
8. ربع كوب زبده سايحه.

👈🏼 نبدء فالتحضير 👌

1.  في بوله كبيره ابدئي  انخلي  الدقيق  والبيكنج بودر والكربوناتو والملح والسكر والفانيليا  وانخلي  فالبوله 
2.  اضربي البيض كويس وحطي عليه الحليب الدافئ  والزبده واضربيهم كويس مع بعض.
3.  بعد ما تخفقي كويس ضعي الدقيق بجميع المكونات الجافه اللي عليه واضربيهم كويس مع بعض لحد ما العجينه تتماسك، 
4.  هاتي طاسه تيفال وسخنيها كويس علي النار وادهنيها بمعلقه صغيره من الزيت 
5. وعلي نار 🔥 متوسطه هاتي مغرفه  صغيره  وخدي شويه من العجين ونزليهم في نص  الطاسه..
6. وطي النار خالص واول متلاقي اللون بدأ يميل للون الذهبي اقلبيه علي الجمب التاني لياخد مياخد لون احمر..
7.  👈🏼 اهم حاجه لازم تاخدي بالك منها انك تمسحي الطاسه كويس اووي وتحطي نقطتين زيت بين كل واحده والتانيه..
8.  اعملي الكميه كلها وبعد متخلصي  ،،  ممكن تدهنيها بالنوتيلا والفواكه موز 🍌 🍓 فراوله او اي نوع فاكهه تحبيه او اولادك بيحبوه ♥♥♥♥♥♥

                  وبالف هنا وشفا 🍂💜🙏

تاني وصفه معانا وهي وصفه جميله جدا ولا اروع واسهل من كدا حقيقي ولو عملتيها مره هتتشجعي كل فتره انك تعمليها لاولادك او ضيوفك 🥰🥰🥰

            ⬅️  ميني تارت 🥮🥮🥮

ميني تارت

⬅️  تعالو بقي نشوف طريقه الميني تارت 🥮🥮🥮

👈🏼  المقادير / 

1.  3 اكواب من الدقيق.
2.  كوب من الزبده البارده.
3.  نص كوب سكر بودر منخول.
4.  معلقه صغيره من الفانيليا.
5.  رشه ملح 🧂.
6.  بيضه.
7.  ربع كوب من الماء او حسب الاحتياج.

👈🏼 طريقه التحضير 👌💝

1. احضري بوله كبيره وضعي فيها الدقيق مع رشه الملح وضعي معهم الذبده وقلبيهم كويس بأديكي الي ان تحصلي علي قوام رملي  بعد كدا ضيفي السكر البودر المنخول وقلبي كويس وبعدين ضيفي صفار البيض والفانيليا وضيفي قليل من الماء بالتدريج لغايه ميلم العجين ويتماسك ومتعجنيش فالعجينه لان كتر العجن بيخلي عجينه التارت تنشف..
2.   بعد ما العجينه تلم طلعيها ولميها بأديكي ولفيها في كيس نايلون واتركيها علي جمب ترتاح فتره لا تقل عن نصف ساعه في التلاجه،، 
3.  بعد كدا طلعيها من التلاجه بعد مرور الوقت وابدئى بفردها بالنشابه علي رخامه مرشوشه بسيط من الدقيق،
4.  احضري قوالب الميني  التارت او صنيه التارت وادهنيها ذبده وشويه دقيق واعمليلها اطراف وشيلي الزيادات وخرميها بالشوكه..
5.  دخليها الفرن  علي درجه حراره 180 درجه مئويه واول مياخد لون دهبي طلعيه، وزينيه زي متحبي سواء نوتيلا او كراميل او فواكهه او مكسرات حسب رغبتك ورغبه اطفالك واسرتك..

وبكده تكون وصفتنا خلصت اتمني تعجبكم..

            ꧁بالف هنا ꧂

موضوع ذات صله 

طريقه عمل السينابون. 

  🍂ومعانا الوصفه الثالثه وهي ♥👌

          ⬅️  كيك البرتقال 🥮

كيك البرتقال 

🌸 بجد وصفه سهله جدا وبسيطه وغير مكلفه ومقاديرها متاحه عندنا كلنا  تعالو نشوف الطريقه 🥰🙏

👈🏼 مقادير كيك البرتقال/

1. كوب من عصير البرتقال.
2.  كوب ونصف من الدقيق.
3.  كوب سكر.
4.  3 بيضات.
5. معلقه صغيره من اللبن البودر.
6. نصف كوب زبده سايحه.
7.  معلقه صغيره فانيليا.
8.  معلقه صغيره كيك شيف.

طريقه تحضير كيك البرتقال / 

1. هاتي بوله وضعي فيها اللبن مع عصير البرتقال مع معلقه الكيك شيف مع الفانيليا واخلطيهم جيدا مع بعض..
2. ضعي علي الخليط دا الدقيق البيض والسكر والزبده واخلطيهم كلهم كويس مع بعض،، 
3.  ابدئي بوضع الخليط في صنيه مدهونه زيت ورشه دقيق  ،  ودخلي الصنيه في الفرن علي درجه حراره 180 درجه مئويه، لحد متاخد اللون الدهبي،، واعملي لها اختبار اذا كانت استوت او لسا  ، بإنك تجيبي سكينه وتحطيها فنص الصنيه لو طلعت فاضيه تبقي تمام استوت ولو طلعت فيها عجين تبقي لسا..

               ꧁ الف هنا ꧂

كدا اكون قدمت ثلاث وصفات للحلويات وكلهم اجمل واسهل من بعض 🥞🍰🥮♥♥♥

         ان شاء الله تعجبكم 💐💐💐

موضوع ذات صله 📢📢

طريقه عمل السينابون فاطمه ابو حاتي.