 |
| اعترافات جريئه _ حكايات شخصيه |
اعترافات جريئه _ حكايات شخصيه
◾ مشكلتي ان ربنا رزقني ببنتين ومراتي حملت للمره الثالثه وطلعت بنت تاني انا من جوايا زعلان اوووي لاني كان نفسي ربنا يكرمني بولد ، انا طبعا بشكر ربنا بس حقيقي مش عارف اتخلص من الاحساس دا ابدااا احساس شديد بالزعل وبحاول اتفاديه بس ظاهر عليا جدا في تصرفاتي مع زوجتي ومش عارف اعمل ايه..
◾◾◾◾◾◾
◾ امي اتوفت من شهرين ومن ساعت متوفت وانا حاسس ان ضهري اتقطم وسندي في الحياه راح بمشي فكل شارع وكل مكان ادور علي امي في وشوش الناس ومش لاقيها تعبت اووي من الاحساس دا ،، من كتر مبقيت بدور عليها بقيت خايف ، وكل ما اقعد مع نفسي اقول ليه يارب اخدت امي 😔😔 في ناس كتير اكبر منها سناً ولسا عايشين اشمعنا امي انا 😪 ، وبرجع افوق نفسي واقول الحمد لله دا نصيب،،
حاولت اشغل نفسي واشتغل شغلانه تسحب وقتي كله بشتغل حوالي 12 ساعه فاليوم عشان خايف ارجع البيت واكون لوحدي وملاقيهاش،، كنت دايما ارجع من بره الاقيها مستنياني وافضل قاعد معاها،، دايما كانت تقولي خلي بالك من اخواتك ومن نفسك..
◾◾◾◾◾◾
◾ مخنوق وعندي ضغط نفسي شديد مش بنام وقلبي مقبوض وعلطول خايف وطول الوقت بفكر في الانتحار،
عاوز حل ارجوكم!!
◾◾◾◾◾◾
◾ مشكله تبان تافهه بس مدايقاني جدا ،، ازاي ابعد عن السوشيال ميديا لانها مضيعه كل وقتي!!!
◾◾◾◾◾◾
◾ جوزي كل شويه يخوني مع واحده عالنت ،، رحت اشتكيت لاهلي واهلو والكل حقيقي وقف جمبي جامد،،
بعدها لقيته بيكلم واحده زميلته في الشغل وجه قالي وانا فعلا احترمت انها زميلته وان الموضوع لا يتعدي زماله عمل ، بعد فتره لقيت الموضوع زاد عن حده وتطورت العلاقه وبقي بيكلمها كل يوم ولما بسأله يقولي والله الموضوع مش بيتعدي الزماله،،
المهم اخدت تليفونه ودورت فيه لقيته بيكلم واحده كان يعرفها قبل ميتجوزني والوحده دي متجوزه ، لقيت نفسي اتخنقت جداا ، هي مكنتش علاقه كامله بس اتدايقت لمجرد انه بيكلمها ،،
مفيش اسبوع لقيتو جايبلي هدايا عشان يفرحني،
وقبل ميتجوزني عمل المستحيل عشان نتجوز وحارب عشان يوصلي ونتجوز ، ديما بشوف حبه ليا فعنيه وبيحب بيته ، ولو زعلني بيجي يصالحني علطوول ،
هل فعلا ممكن اسامحه علي الست اللي بيكلمها دي !!
محتاجه مساعده ودعم نفسي منكم كبير..
اعمل ايه!!!
◾◾◾◾◾◾
◾ اعترافي غريب شويه وممكن تستغربوه ، انا واحده غير كل الناس مش عارفه احب امي زي مبشوف كل اللي حواليا بيحبو امهاتهم ، متدايقه اني عندي نعمه كبيره ومش حاسه بيها ، انا متدايقه وانا بقول كدا بس فعلاً هي دي الحقيقه اللي انا حساها ومش قادره اتخطاها،، انا حتي مقدرتش اجيب ليها هديه عيد الام و فأي مناسبه مبقدرش اجبلها،، نفسي احسن علاقتي بيها ومش عارفه ، نفسي اقرب منها ومش عارفه ، علي الرغم اني علطول حاسه بالوحده ونفسي فحد يكون قريب مني ، وكانت فرصه حلوه اني اجبلها هديه واقرب منها لكن مقدرتش صراحه ، قلبي مقفول اوووي ومش عارفه ايه السبب..!! 😔😔
◾◾◾◾◾◾
◾ جوزي بيخوني مع واحده متجوزه ومن ساعه معرفت وانا متدمره نفسياً ، جبت رقمها وكلمتها تبعد عنه عشان بيته ميتخربش بسببها ردت بكل بجاحه وقالتلي لو مرتاح معاكي مكنش جالي ، هي متجوزه ومخلفه وجبت ارقام اولادها وجوزها ، ومتردده جدا اني اكلمهم واعرفهم كل حاجه بالاسكرينات اللي معايا هي نقطه ضعفها اولادها بس هي ولا هاممها وفنفس الوقت خايفه اكلمهم تحصل مشكله لجوزي ،
انا جوايا نار 🔥 ومش عارفه اعمل ايه واتصرف ازاي!!!
◾◾◾◾◾◾
◾ ازاي اقدر اتفادي موقف تعبني نفسياً اتعرضت فيه للاهانه ومعرفتش اخد حقي، والموضوع علطول في ذاكرتي ومش بقدر انساه ولا اتخطاه ، خصوصا ان الموقف كان شتيمه من شخص مقرب ليا ، وانا اصلا عندي رهاب اجتماعي ومش بعرف ارد في المواقف واخد حقي، بحس اني جسمي كله بيتوتر ،،
عاوز اتخطي الموقف وانساه ومش عارف !!
◾◾◾◾◾◾
◾ بتعملو ايه لما تعملو كل حاجه تخليكو مبسوطين وبردو بتفضلو مخنوقين ومش مبسوطين ولا في اي شعور بالراحه!!
◾◾◾◾◾◾
◾ بتعملو ايه لما تعملو كل حاجه تخليكو مبسوطين وبردو بتفضلو مخنوقين ومش مبسوطين ولا في اي شعور بالراحه!!
ردحذف# بسلم امري الى الله ، اكيد الب خلقني عارف الي بجواتي ، ومهما كان الهم كبير ، فالله اكبر .