اعترافات جريئه _ مشاكل اجتماعيه

 

    اعترافات جريئه _ مشاكل اجتماعيه 

اعترافات جريئه _  مشاكل اجتماعيه 

◾ انا تعبت من حياتي اقسم باالله انا بكتب وانا بعيط انا عندي رعشه مدمره حياتي كل مبتعامل مع حد بتبان الرعشه ولما بتحصلي قدام حد ببقي عاوزه ادفن نفسي اموت نفسي اعمل فنفسي اي حاجه بس ميشوفونيش 

مش بعرف امسك معلقه ولا بعرف اكل ولا اشرب ولا امسك قلم حتي،، رحت لاكثر من دكتور وكل اللي بيعملوه انهم بيدوني علاج وافضل اخد فالعلاج وكل اللي بيحصلي اثار جانبيه رحت لدكتور نفسي ودكتور مخ واعصاب ومحدش عارف يشخص صح أبداً  ،

تعبت اوووي وبقي مرواحي للشغل عذاب من كتر الاحراج اللي بكون فيه وانا بتعامل مع زملائي في العمل،،

عملت كل حاجه وسلكت كل الطرق ومفيش فايده وبدعي ربنا يزيح عني البلاء..

                    ◾◾◾◾◾◾

◾ انا بقي خطيبي متنمر من الدرجه الاولي كل ما يجي يزورني يقعد يتنمر عليا ويتريق عليا وانا بزعل جدا من طريقتو، وبعد ما ازعل يقولي كنت بهزر  !!

اعمل ايه مع الشخصيه دي!!

                  ◾◾◾◾◾◾

◾ اعتراف 

انا بنت 23 سنه حياتي متدمره بمعني الكلمه بتعاطي نوع من انواع  المخدرات بس مش بورده بس انا بضيع فلوسي كلها راحت علي الماده المخدره دي واهلي تعبو معايا وهيموتو عليا   ، نفسي ابقي كويسه واتعافي نفسي مخدش الماده المخدره دي تاني انا بموت بالبطئ..

                 ◾◾◾◾◾◾

◾ اعتراف 

انا متزوج بس بحب اخت مراتي كل لما بشوفها بتشد ليها اكتر وبحبها اكتر اسلوبها بيخليني اتشد ليها واتعلق بيها 

زوجتي المسكينه عندي منها ولدين وبنت،،  هذي البنت سايبها بقالي فتره مش عاوز افكر فيها ولا اروح هناك لاني خايف اقع بالحرام  ،، 

رحت لهم امبارح وشفت اخت زوجتي وطلعت قابلتني بملابس فاضحه هي امهم متوفيه مفيش غيرها هي ومرتي  بس  !! 

تنصحوني بإيه؟؟

                     ◾◾◾◾◾◾

◾ اعتراف 

انا تزوجت من شاب ما بيخلف وكان يعرف قبل ميتزوجني انه ما بيخلف لانه كان متجوز قبلي اتنين وما خلف منهم  ،  رافض اني اروح لاي دكتور عشان مكتشفش حقيقته،، انا نفسي فطفل زي اي حد طبيعي مش قادره استحمل الاحساس داا  ،  اختي ليل ونهار تنزل وتجيب لولادها حجات وانا عاجزه مش قادره حتي اشتري بلوزه  ،  ليه لما انت عارف انك مش بتخلف بتتجوز ليه وتظلم بنت الناس معاك  !!

                 ◾◾◾◾◾◾

◾ اعتراف يقطع القلب 💔💔💔

انا اب لثلاث اطفال  زوجتي اتوفت من ثلاث سنوات وتركت الاولاد لي عندي بنت اربع سنين كل يوم تجيلي تعيط وتقولي يابابا اشتريلي ام يوميا قلبي بيتقطع عشانها وعشان اخواتها فوقت عملي بترك الاولاد عند امي ، وهي قاسيه عليهم وعلطول بتضربهم وبتقول لهم الفاظ نابيه  ، رجعت امبارح من الشغل لقيت امي ماسكه بنتي من شعرها وعماله تضرب فيها ولقيت بنتي وشها كله ازرق واذنها ورقبتها ورجلها بينزلو  دم وايديها اتفكت والبنت بتترعش وبترجف من كتر الخوف ومغطيه نفسها وسمعت امي بتقول لها اياك اسمع حسك اكتمي صوتك خالص ممنوع اسمعك بتعيطي والبنت من كتر خوفها بتعيط وهي بتهمس من كتر خوفها من امي  ،،

انا شفت المنظر دا انجنيت ومقدرتش امسك نفسي جن جنوني ازاي يحصل فبنتي كدا  عمري متوقعت ان امي تعمل كدا مع بنتي مش للدرجالي القسوه دي يا امي  ،

سألت ابني الاكبر ايه اللي حصل حكالي  ،  ان امي مسكتها من شعرها وبتجرجرها من اوضه لاوضه  وحبستها فالدولاب لمده ساعتين  وحرمتها من الاكل  ، 

انا بقي سمعت كل دا كسرت الدنيا واتخانقت مع امي ومقدرتش امسك اعصابي بجد فاللحظه دي اتمنيت الموت ولا ان يحصل كدا  لبنتي  ،   اخدت الولاد وذهبت لبيتي وانا في حاله انهيار مش قادر  اصدق اللي حصل  

لما روحت امي اتصلت عليا ومردتش عليها  ،  وحجتها بضرب بنتي انها مش قادره تتحمل اي ازعاج  ،  

لكن هي فالحقيقه مش بتحب البنات وكانت بتعمل كدا مع اخواتي البنات وكانت بتضربهم بالحديده علي راسهم 

انا مش عارف لما ارجع شغلي هودي ولادي فين  ، انا اخدت اجازه لمده اسبوع  ، بس  بعد الاسبوع دا هعمل ايه مش قادر اثق فحد اذا كان امي عملت كدا فبنتي يبقي هآمن عليها مع مين امي حرقتلي قلبي،  وديت بنتي للمستشفي لقيت في ثقب في اذنها من كتر الضرب  اللي اخدته  ، بنتي من ساعتها بتعيط ومش قادره تنسي..

                     ◾◾◾◾◾◾