اعترافات جريئه _ مشاكل وحكايات واقعيه
 |
| اعترافات جريئه _ مشاكل وحكايات واقعيه |
◾ دا مش اعتراف اد مهو سؤال للشباب!!
ازاي بتقدرو تجمعو بين كذا بنت في نفس الوقت وتوهموا دي ودي ودي انكم بتحبوها ولما واحده فيهم تعرف يسيبها ويكمل مع التانيه بكل بساطه ولا اكن كان معلق واحده بحبه ويستمر في كذبه!!!!
والكلام دا بقي منتشر بين الشباب جدا ونفسي اعرف بيقدروا يعملو كدا ازاي!!
◾مشكلتي غريبه جدا انا واحده بتخاف من الليل جدا واول مبيجي الليل بكتئب جداا ووصلت لمرحله اني مبعرفش انام الليل وعلطول لوحدي ، حقيقي بقيت طول الوقت بفكر في الانتحار..
اعمل ايه !! مش لا قيه حل !!
◾ هعتبرها فضفضه 👇
انا معمولي سحر بالجنون مدمرني ومدمرلي حياتي
بيخليني اتصرف تصرفات غريبه جدا ومش طبيعيه ، اوقات بكون كويسه وفجأه احوالي بتحول وبحس ان في عفاريت حواليا بيطنططو وبيتحركو جوا جسمي وبيمارسو معايا الجنس ، وعلطول شيفاهم فالبيت بيتحركو حواليا، طبعا طول الوقت متوتره وخايفه الكل بعد عني ومش لاقيه حد يساعدني كل اللي حواليا متكاسلين ومش مهتميين سواء اهلي او جوزي الكل غفلان عني ، انا 40 سنه وكمان عندي طفلين محتاجني
علطول بقعد لوحدي واطفي النور واقعد اعيط في الضلمه، محدش بيجيلي ولا يزورني والدنيا حواليا فاضيه ، مش قادره اصلي ولا اعمل اي طاعه لربنا ، دا غير ان القرآن مش نافع ومش جايب نتيجه.!!
اعمل ايه!!
◾◾◾◾◾◾
◾ جوزي بيغير جدا من اخواتي هما كلهم متعلمين تعليم عالي ومتيسرين ماديا وناجحين في عملهم جدا، هو مسافر بيشتغل مع اخويا واخويا كان تعبان وهو جمبه فالاوضه التانيه وفغربه مع بعض قولتلو روح بص عليه واطمن عليه مرضيش يروح يشوفه حتي ، واخويا لوحده هناك، علي الرغم هو اللي مشغلو ومعتبره زي اخوه ومحتضنه فكل حاجه هناك ، بعد كل دا اعد يشكي انه مش مرتاح فالشغل معاهم لغايه منقل مع ناس تانيه وبردو مش عاجبه واعد يشتكي بردو انه مش مرتاح
وهو طنشو عشاني انا عشان مزعلش ولما عاتبتهم علي اساس شكواه لقيتو هو اللي غلطان فيهم وانهم سكتو عشاني ،
انا كرهتو لانه انسان غير سوي وشكلو مريض نفسي، وبقيت لا عايزه اتعامل معاه ولاعاوزه اكلمه،،
اعمل ايه!!
◾ انا بنت 23 سنه كنت مخطوبه وفركشت لعدم التوافق بيني وبين خطيبي ، حاليا متقدم لي شخص مناسب به كل المواصفات اللي كنت بتمناها انسان حافظ للقران متدين واخلاقه ممتازه ، بس كانت حصلتلو حادثه وهو صغير خلت عيونه شبه مقفوله، هل المشكله دي هتأثر علينا فيما بعد ، وهل لو وافقت هتكون دي مشكله بعدين ، خصوصاً ان خطوبتي الاولي اثرت عليا نفسيا ، بصراحه خايفة ارفضه لان كلام كل الناس اللي حواليا انه شخص كويس والكل بيشكر فيه ، اكيد موضوع عينه دا هو قدر من عند ربنا هو ملوش يد فيه.
محتاره ومجتاجه حد يساعدني!!
◾◾◾◾◾◾
◾ اعتراف وفضفضه ¶
ابتليت بأم نرجسيه انانيه مش بتحب غير نفسها وبس مشفتش منها حب ولا حنان لغايه مبدأت ابحث عن الحنان والحب بره ، اتدمرت نفسياً واصبحت غير متزنه
جوايا صراعات كتيره ، بدأت ادخل في علاقات كتيره
بحثا عن الحنان وبرجع اتوب لربنا،،
اتجوزت واحد طبعه زي طبع امي بردو نرجسي، كان علطول بيضربني وبيهني وبيتلككلي علي اتفه الاسباب
وبروح لاهلي غضبانه ومضروبه يقولولي مفيش طلاق وارجع تاني ، فضلت فتره طويله بين اهلي وبين جوزي
وكان دايما يقنعهم اني انا اللي غلطانه وكانو بيصدقوه
ومن كتر الظلم والافتري اللي اتعرضت ليه هربت منه وبعدها اتبهدلت من اهلي واتهانت وازاي تخربي بيتك وكلام كله تقطيم لغايه موصلت لحاله من الاكتئاب ورحت لدكتور نفسي وكتبلي علاج ومشيت عليه وبدأت اتحسن تدريجياً ، فكرت اني اكمل دراسه وفعلا كملت ولكني تعثرت ماديا اشتغلت فنفس الوقت وضغط نفسي جامد، حاليا انا عايشه في صراع نفسي بين ان ربنا غضبان عليا لاني دايما حسه بعدم توفيق من ربنا ، وحياتي مليانه مشاكل ، وفنفس الوقت حسه اني ندمانه اني اتطلقت وديما جوايا احساس بيقولي اني ظلمت جوزي جوايا جلد للذات فظيع مبقتش عارفه انا اللي ظالمه ولا اللي مظلومه حاسه ان ربنا بيعاقبني ومش راضي عني علي الرغم اني بحاول اقرب منه علي قد ما بقدر..
◾ انا بنت 23 سنه كنت مخطوبه وفركشت لعدم التوافق بيني وبين خطيبي ، حاليا متقدم لي شخص مناسب به كل المواصفات اللي كنت بتمناها انسان حافظ للقران متدين واخلاقه ممتازه ، بس كانت حصلتلو حادثه وهو صغير خلت عيونه شبه مقفوله، هل المشكله دي هتأثر علينا فيما بعد ، وهل لو وافقت هتكون دي مشكله بعدين ، خصوصاً ان خطوبتي الاولي اثرت عليا نفسيا ، بصراحه خايفة ارفضه لان كلام كل الناس اللي حواليا انه شخص كويس والكل بيشكر فيه ، اكيد موضوع عينه دا هو قدر من عند ربنا هو ملوش يد فيه.
ردحذفمحتاره ومجتاجه حد يساعدني!!
# الامر سهل جدا ، كون هذا الانسان خلوق وصاحب دين ، هذا الشي لا يعني انه يجب ان اوافق عليه اذا كان عدم وجود رغبه تجاه هذا الشخص ، او وجود نفور وعدم وجود محبه وود .
بنصح بتقيم الامر مرة اخرى ، اذا كانت الموافقه مبنيه على الاسس الحقيقية للحياة بعيدا عن الناس واعتقاداتهم البالية فالارتباط جيد .
اما غير ذلك فهناك شك في قوة ايمان اصلا بصاحبة المشكلة وليس بالشخص الذي تقدم لها .
الله ايقدرني على فعل الخير .