صنيه البطاطس باللحمه والجزر والطماطم _ مع الارز بالشعريه

صنيه البطاطس باللحمه والجزر

صنيه البطاطس باللحمه والجزر معاها احلي حله رز بالشعريه والسلطه

من اجمل الاكلات المصريه اللي هتقدمها حواء انهارده هي صنيه البطاطس باللحمه والجزر والطماطم بجد اكله لذيذه واللي هيجربها مره هيدمنها من كتر جمالها ♥🙏🏻

احضري حله كبيره وامليه بالماء وضعي الحله علي النار وقطعي فالماء بصله متوسطه الحجم وضعي الحبهان وورق اللورا وربع معلقه فلفل اسود وغطي الحله الي ان يتم غليان الماء ، طبعا بتكوني غسله اللحمه كويس ، ضعي اللحمه في الماء واتركيها الي ان يتم نضجها تماماً، احيانا اللحمه تاخذ وقت طويل الي ان تنضج ،
لتتأكدي من نضجها احضري شوكه واختبري اللحمه بالشوكه،

_ قشري البطاطس واغسليها كويس بالماء والملح وبعد ذلك قطعيها شرايح مدوره وقطعي الطماطم الي شرائح لتضعيها علي البطاطس ، وان حبيتي تفرمي الطماطم فالخلاط براحتك علي حسب رغبتك، وممكن تفرمي نصف الطماطم والنصف التاني يتقطع شرائح مدوره ، وافرمي البصله.، ولوو حبيتي تقطعيها شرائح بردو حسب رغبتك ، وقطعي الجزر شرائح ، وبعدين قلبيهم كلهم مع بعض البطاطس مع الصلصله والبصل والجزر والطماطم ومع الملح والفلفل الاسود وافرمي فصين التوم معاهم وقلبيهم كلهم مع بعض عشان يشربو من بعض طعم الخلطه اللذيذه دي وبعدين رصيهم فالصنيه ومعاهم اللحمه مع معلقه سمنه صغيره ومعلقه زيت واتركيها علي النار تستوي بقي براحتها وشمي احلي ريحه ، لو حبيتي تحطي مكعب مرقه دجاج حطي براحتك.. طبعا بتسقي صنيه البطاطس بالشوربه بتاعتك عشان البطاطس تطلع طعمه ودسمه وجميله ، طبعا لو مفيش ممكن تسقيها بالماء عادي علي حسب رغبتك..

◾ طبعا الاكله اللذيذه دي لازم نعمل جمبها اجمل حله ارز بالشعريه عشان تكمل جمال الوجبه!!

_ اغسلي كميه الارز اللي هتحتاجي تعمليها كويس اووي ، احضري حله متوسطه الحجم وضعي فيها معلقه سمنه وشويه زيت واول ميسخنو نزلي الشعريه وقلبيها معاهم الي ان يصبح لونها ذهبي اللون ، بعدين ابدئي تنزلي الارز وقلبيهم مع الشعريه كويس وضعي معلقه من الملح وقلبي ، طبعا انتي عندك شربه اللحمه مش معقول هنرميها طبعا هنستخدمها فالارز ، اسقي من الشوربه الارز الي ان تغطي الشربه الارز بشويه بسيطه ، ظبطي ملحك وقلبي وغطي عليه ، واول ميتشرب الارز وطي عليه خليه علي نار هادئه الي ان يتم نضجه،،

🌸 وبالف هنا وشفا 🌸

👈🏻 تابعو صفحتنا بصفحه عالم حواء بإستمرار وانتو هتلاقو اجمل الوصفات واللاكلات والوصفات الصحيه وكمان هتلاقي معلومات كتير عن تربيه الطفل وقصص وحكايات معانا هتستفادو فجميع المجالات الحياتيه والاسريه والاجتماعيه وكمان الدينيه ♥♥وكمان هتقدرو تتعرفو علي اجمل الاماكن السياحيه فمصر.. 🌸