اعترافات جريئه _ مشاكل اسريه
 |
| اعترافات جريئه _ مشاكل اسريه |
◾اعتراف مدايقني 👇
انا مغترب عايش بره مصر 🇪🇬 بقالي حوالي اربع سنين مسافر وبنزل شهر فالسنه ،،
المشكله بقي اني كل شهر ببعت لاهلي فلوس تقضيه لفوق احتياجاته والاقيه بيطلب فلوس عشان يعمل بيها مصلحه معينه واتفاجأ انه مبيعملش المصلحه دي!!
انا بتعب فالفلوس دي وجوزت نفسي بنفسي ومفيش حد وقف معايا وساعدني،، وهو جاف معايا ومش بيسأل عليا غير لما يحتاج فلوس غير كدا مفيش اي اهتمام او سؤال ، غير كمان انه بيعامل مراتي بطريقه شديده ..
حد يقولي اعمل ايه!!!
◾◾◾◾◾◾◾
◾انا بحب واحد بقالي سنتين ومرتبطين ببعض بدرجه كبيره، جه اتقدملي هو واهله وكل حاجه كانت تمام بعدها بفتره والده قاله الجوازه دي مش هتم وانا هجوزك لبنت واحد صاحبي فالشغل الولد رفض وقالو انا عاوزها وبحبها ووالده قاله انا عارف مصلحتك اكتر منك لدرجه ان خطيبي ساب لهم البيت وبباه برده مش موافق وقاله بردو الجوازه دي هتبوظ وهتتجوز اللي انا عاوزها، احنا حاولنا كذا مره نسيب بعض ومعرفناش ومش عارفين نعمل ايه،،!!
خطيبي فكر فحل ومش عارفين نعمله ولا لا ،، هو عاوز يقول لوالده انه غلط معايا بدون ما احس انه حطلي منوم فالعصير وغلط معايا عشان يجبر والده انه يوافق
هل والده ممكن يوافق بالطريقه دي ولا الدنيا هتبوظ اكتر!!!!
◾◾◾◾◾◾
◾ارجوكم فيدوني
تزوجت من اجنبيه وكنت احبها جدا وبعد فتره اكتشفت اختلاف الثقافات بينا ، قررت الانفصال عنها خوفاً من ان يأتي ابناء يميلون الي ثقافه امهم وديانتها،
انا تسرعت بالزواج بها ولكني لم اكن اعلم ان الفارق الثقافي بهذا الكم الرهيب، وتأكدت بعد زواجي بها ضروره ان تكون الزوجه من نفس ديانتي لانني في فتره زواجي بها لم امارس اي شئ متعلق بديانتي،،
كل ما اريد معرفته الان هل لو تزوجت بأخري عربيه هل يجب عليا ان اعرفها بزواجي السابق ام لا؟
لان زواجي بالاجنبيه غير موثق بالسفاره وغير مدرج بالسجلات الرسميه عشان كدا بسأل ، غير كدا ان اهلي كمان ميعرفوش اني تزوجت باجنبيه ومعرفش ليه مقولتلهمش بس دا اللي حصل!!
دايما حاسس بجلد الذات واني مش قادر اغفر لنفسي!!
ارجوكم بدون تجريح!!!
◾◾◾◾◾◾
◾ عايزه نصيحتكم
انا متجوزه بقالي سنه وجوزي طبيعه شغله انه بيجيلي يومين في الاسبوع ولما بيجي ببقي متلهفه جدا عليه لانه بيكون واحشني خاصه اننا واخدين بعض علي حب
دايما انا اللي بطلبه وبجري وراه وببقي متلهفه ، ولو طنشت بيبقي عادي ومش فارق معاه ومعندوش رغبه ليا
معرفش انا مزوداها ولا ايه، علي الرغم كنت عند ماما 3 شهور بحكم اني لسا والده ولما رجعت مفيش اي لهفه منه تجاهي لازم انا اللي اطلبه وابادر بحبي له، كنت فاكره اني لما ارجع هكون وحشاه لكن لقيت العكس ،،
انا متدايقه لاننا لسا صغيرين ولسا متجوزين يدوبك بقالنا سنه يعني مش كتير عشان يبقي بالبرود دا ، بصراحه مش لقياله مبرر ، ولا انا اللي اغير من نفسي واتقل عليه ومبادرش بأي حاجه معاه تاني بس بصراحه حاولت ومبقدرش ببقي عاوزه اشبع منه قبل ميسافر،
للاسف مش مشجعني اني اجدد او اغير فنفسي ، بدأت انطفي وحبي ليه بدأ يقل،،
هل انا غلطانه لما اكون بظهر حبي له وعاوزاه دايما!!
وهل في رجاله كدا الموضوع فعلا مش فدماغهم!!
◾◾◾◾◾◾
◾ انا مش متجوزه وسني كبر اشتغلت فشركه كبيره
وبسبب عدم زواجي انتقلت لبلد تانيه بس فنفس الشركه فرع تاني يعني المهم المدير الجديد مهتم بيا جدا ودايما بيدعمني بكلامه هو راجل محترم جدا وكل اللي فالشركه بيشهدوا باخلاقه هو بيقولي انتي زي بنتي
بس بحس ان الكلام بيحمل معني تاني يعني مش بس بنته مش عارفه انا ليه حاسه الاحساس داا يمكن عشان لسا متجوزتش فبيراودني الاحساس داا ، انا فعلا مشفتش منه اي حاجه وحشه وهو فعلا داعم ليا مش عارفه ابعد واخسر دعمه ليا ، ولا دي مجرد تهيؤات
وموضوع عدم زواجي خلاني اشوف كل حاجه غلط!!!
تنصحوني بإيه!!!♡
◾◾◾◾◾◾◾
تعليقات
إرسال تعليق