اسس هامه لتربيه حيوان أليف في المنزل

اسس هامه لتربيه حيوان أليف في المنزل. 

بصراحه موضوعي انهارده بيتكلم عن اسس هامه لتربيه اي حيوان أليف في منزلك خصوصاً القطط وهركز فالموضوع دا علي القطط اللي بناخدها ونربيها في بيتنا. 

اسس هامه لتربيه حيوان أليف في المنزل 

في ثلاث انواع من الناس اللي بتربي القطط!! 

خلونا نركز علي انواع الناس اللي بتفكر تشتري قطه او تتبني قطه وخلونا نلخصها فنقط بسيطه لعل الكل يستفيد!!. 

• اولا:- 🤍

• في اشخاص لما بيشترو قطه او بيتبنو قطه بيعتبروا القطه فرد من افراد الاسره وحبهم ليها كحب اولادهم تماماً وبتكون غلاوتو كبيره وبيدللو ويدلعوه كأي فرد معاهم فالبيت بيقدرو مشاعرو وفاهمين احتياجاتو النفسيه والشخصيه،  طبعاً الناس دي فل الفل وجزائهم كبير اوووي عند ربهم لانهم عندهم رحمه بالحيوان 🥰🥰.. 

• ثانيا:- 

• النوع الثاني من الاشخاص تحسه كدا نوع غريب من البني ادمين  تلاقي مثلا الشخص دا جالو قطه هديه واتورط فيها  ،  او اشتراها من باب المنظره مش من باب الرحمه بالحيوان او حب الحيوان ابسلوتلي هو اشتراها عشان يتصور معاها كام صوره وينزلها ويتمنظر بيها فقط لا غير،  وبعدين زهق منها ومن مسؤليتها او لقاه القطه  بدأت تطلب جواز او مش قادر علي اكلها او او او... والاسباب متعدده  !!  ويقرر يرميها او يعطيها هديه لحد او يعرضها تبني!!   هنا اوجه كلامي للفئه دي فين الرحمه وفين الانسانيه اللي جواكم تجاه حيوان أليف لاحول له ولا قوه ملهوش حد غيرك، القط دا بيعتبرك حد غالي اوووي عليه بيعتبرك كل دنيته لانه مشافش غيرك ولا حب حد غيرك،  طبعا ربنا بيحاسب علي كل الاهمال والاستهتار دا كله لان دا روح وروح غاليه فأحب اقول ان جزائكم عند ربنا..  
• علي الاقل اعتبر القط دا ابنك بعد ما اتعود عليك وعلي حياته معاك ازاي تسيبه يشق الحياه من غيرك هل انت هتبقي مطمن عليه!!   ياتري مصيره بعد كدا هيكون ايه وهيحصل فيه ايه وياتري يا هل تري الي هياخدوو هيعاملو كويس ولا هيسئ معملته ازاي جالك قلب تعمل كدا من البدايه!!  بلاش بالله عليكم موضوع تسريب القطط دا لانه هيتبهدل من بيت لبيت وياعالم اللي هياخدو هيعمل فيه ايه هل هيحسن معاملته ولا هيسئ معاملته طيب ليه من الاول!! 

• ثالثاً واخيرً:-- 

• احب اوجه كلامي للناس اللي لسا بتفكر تتبني قطه او تشتري قطه او اي حيوان أليف  ،  قبل متفكر فحاجه زي كدا فكر الف مره انها مسؤليه كبيره وان دا روح مسؤل منك  ،  اعرف انه محتاج رعايه واهتمام، اعرف انه محتاج حب لازم تعرف انها روح وهتتحاسب عليها فلو انت فاهم كل الكلام دا يبقي تمام التمام واتبني قطه وارعاها وصدقني هتاخد عليها ثواب كبير جدا جدا عند ربنا  ،  
• ممكن تتبني حيوان أصحابه قرروا انهم هيتخلو عنه واهتم انت بيه  ،  
• او اتنبي حيوان لقيتو تعبان وحالته لايرثي لها خدو ووديه لاي عياده بيطريه وشوف ماله والدكتور هيعالجوو وهيبقي معاك احلي حيوان أليف فخلال اسبوعين او شهر  ، 
• او لو حابب تشتري اشتري قطه او اي حيوان أليف زي متحب من اصحاب المحلات لان اصحاب المحلات معظمهم بلا رحمه ومش بيهتمو بيهم وعلطول سيبنهم محبوسين جوا القفص وبيسيبوهم من غير اكل معظم الوقت!!   فأشتري حيوانك من محل حيوانات افضل فأنت بكدا بتكون رحمته من الحبسه وعدم الاهتمام اللي بيتعرض ليه!!  

• ختاماً:-

• في نهايه كلامي احب اقول ان تربيه الحيوان مش سهله اعتبرها زيها زي البيبي الصغير بالظبط بيحتاج اهتمام ورعايه وحب وتدليل ومسؤليه زيه زي اي انسان طبيعي،  كمان تربيه الحيوان مكلفه بردوو لانه بيحتاح  اكل من نوع معين وبيحتاج تطعيم وبيحتاج علاج إذا لزم الامر وله احتياجات شخصيه كتير زي الرمله الحراريه  الخاصه بيه وطبعاً فيه منها انواع والرمله دي اللي بتساعد علي عدم وجود ريحه لاي بوتي للقطه او للحيوان الخاص بيك  ،  وبيحتاج ليتر بوكس  ،  وشامبو لانك هتحتاج انه ياخد شور كل فتره يعني من الاخر احتياجاته زيه زي اي انسان طبيعي،  فلازم تعرف ان اقتناء اي حيوان امر مش هين وبسيط بل هي مسؤليه تكاد كبيره  ،  ففكر الف مره قبل ان تشتري او تتبني اي حيوان لانها مسؤليه كبيره وستحاسب عليها امام الله ♥.. 
• ربنا يحنن قلوبكم علي وليفكم كما ولف قلبكم علي ابنائكم.. 

دمتم في حفظ الله ورعايته 

اسس هامه لتربيه حيوان أليف في المنزل 

• 💥موضوعات ذات صله.. 💥

• لماذا تلعق القطه جسمها بلسانها،  ماده مطهره في لسان القطه.