طريقه اخذ مقاسات وخياطه طقم ملايه كرانيش ثلاث جوانب لسرير 160 _ 120

 طريقه اخذ مقاسات وخياطه طقم سرير كبير مقاس 160 /120 كرانيش ثلاث جوانب. 

طريقه اخذ مقاسات وخياطه طقم ملايه كرانيش ثلاث جوانب لسرير 160 _ 120

💥انهارد هنبدء ان شاء الله شرح كامل لاطقم الملايات سواء اطقم اطفال او اطقم كبيره واطقم فلات او بكرانيش،،  واليوم هو اولي حلقات الشرح للكورس الخاص بي سماح جلال samah galal ✂️🧡.. 

بإذن الله هشرح لكم كيفيه اخد مقاسات طقم كرانيش كبير مقاس 160 والكرانيش من الثلاث جوانب والمخده والخدديات ساده بدون اي شغل عليهم زي الصوره اللي فالموضوع بالظبط .. ✂️💙

طريقه اخذ مقاسات وخياطه طقم ملايه كرانيش ثلاث جوانب لسرير 160 _ 120

وكمان هشرح لكم كيفيه اخد مقاسات طقم ملايه كرانيش اطفال مقاس 120 كرانيش ثلاث جوانب. 

💥كيفيه أخذ مقاسات سرير كبير مقاس 160 كرانيش من ثلاث جوانب:- 

💥 يلا بينا نبدأ الشرح بسم الله الرحمن الرحيم.. 

_ عدد امتار القماش المستخدم لطقم كرانيش 3 جوانب هو 6 متر قماش الطقم كله هيتعمل من نفس القماش سواء هيتعمل كله مشجر او كله ساده.  

💥هتحسبي الامتار ازاي:- 

⬅️ مقاس قرصه السرير 165 سم. 

⬅️ القماش المستخدم للكرانيش هيكون 2 متر ونص للكرانيش الثلاث جوانب. 

⬅️ المترين ونص قصيهم 50 سم +50 سم +50 سم +50 سم. 

⬅️ وبعدين ابدئى بخياطتهم مع بعض ( شبكيهم فبعض ) واعملي اوفر بمكنه الاوفر الاماكن اللي فيها الوصلات  وبعدين كرنشيهم علي المكنه.. 

⬅️ بعدين ثبتي الكرانيش علي القرصه فالثلاث جوانب.. 

⭐ كدا الملايه خلصتيها..  

⬅️بعدين هتبدأي في  المخدات والاتنين خدديه هياخدو منك  قماش مترين وربع ✂️💥.. 

⬅️ طول المخده 156 × 90 سم. 

⬅️ والخدديات هياخدو متر كل خدديه 50×70 سم. 

💥كيفيه أخذ مقاسات  طقم سرير مقاس 120 كرانيش ثلاث جوانب:- 

⬅️ بالنسبه لسراير الاطفال مقاس 120 سم 2 سرير و2 مخده و2 خدديه هياخد معاكي 9 متر  ونصف قماش.. 

⬅️ قرصه السرير ال 120 هتاخد قماش 125 سم لكل سرير. 

⬅️ 90 سم مخده وخدديه. 

⬅️ 90 سم مخده وخدديه. 

⬅️ اما بالنسبة للكرانيش للثلاث جوانب هتاخد مترين ونص لكل سرير.. 

 💥  كيفيه خياطه طقم الاطفال؟ 

⬅️ قسمي المترين ونص ل 50 سم +50 سم +50 سم +50 سم +50 سم. وشبكيهم في بعض. 

⬅️ اعملي اووفر للاجزاء اللي شبكتيهم في بعض قبل متبداي في الكرنشه. 

⬅️ ابدئى في الكرنشه علي طول القماش اللي هيكون عرضه 50 سم. 

⬅️ شبكي الكرانيش في قرصه السرير فالثلاث جوانب. 

⬅️ طبقي نفس الكلام بالسرير التاني.. 

⬅️ واخيراً:  قومي بخياطه المخدات والخدديات. 

💥 وبكداا يكون الطقم خلص بالتوفيق حبيباتي 🌹🌹