البطاطا الحلوه بالبشاميل خطيررره بجد لازم تجربوها

 البطاطا بالبشاميل 

البطاطا الحلوه بالبشاميل 

_ مده تحضيره البطاطا الحلوه بالبشاميل 30 دقيقه. 

_ مده طهوه البطاطا الحلوه بالبشاميل 30 دقيقه.. 

مقادير البطاطا الحلوه بالبشاميل:- 

1. 2 كيلو بطاطا متقطعه مكعبات. 
2. كوب سكر. 
3. كيس فانيليا.. 

طريقه تحضير البطاطا الحلوه بالبشاميل:-

1. اول حاجه هنحط البطاطا في حله وعليها السكر وكيس الفانيليا.. 
2. حطيها علي نار عاليه 🔥. 
3. غطيها وسبيها علي النار لحد لما السكر يدوب وتنزل المياه بتاعتها وتبتدي تغلي.. 
4. بعد كدا هتلاقي البطاطا نزلت ميتها. 
5. غطي عليها وهدي النار وسبيها لحد متستوي وتشرب المياه اللي نزلتها 🍠البطاطا.. 
6. بعد كدا هتلاقي البطاطا استوت اطفي عليها. 
7. ابدئى نزلي البطاطا في بوله واهرسيها لحد ما تنعم خالص. 
8. حطي معلقه زبده كبيره وهي لسا دافيه.. 
9. قلبي البطاطا مع الزبده كويس. 
10. احضري صنيه وادهنيها بالذبده ونزلي 🍠 البطاطا فالصنيه. 
11. ساوي البطاطا في الصنيه كويس. 

هنبدء في تحضير البشاميل:- 

_طريقه تحضير البشاميل:- 

1. احضري حله وضعيها علي النار وحطي فيها معلقتين زبده كبار.. 
2. انزلي عليهم بمعلقتين كبار من الدقيق وقلبي لحد ما الدقيق لونه يكون احمر.. 
3. انزلي ب 2 كوب من اللبن. 
4. قلبي لحد ما القوام يبتدي يتقل. 
5. حطي معلقتين سكر كبار. 
6. كيس فانيليا. 
7. قلبي وسبيه يغلي غلوتين لحد لما يوصل للقوام المناسب.. 
8. كدا البشاميل جاهز..
9. نبدء ننزل بالبشاميل فوق 🍠البطاطا. 
10. حطي شويه سكر ناعم علي وش البشاميل علشان يتكرمل في الفرن ويدي لون حلو للوش.. 
11. دخليها الفرن علي درجه حراره 200 علي الشبكه في النص لحد ما الحرووف لونه يتغير للون الاحمر،  بعدها شغلي الشوايه شويه علشان تاخد لوون،،  واول ما يحمر لونها طلعيها من الفرن وقطعيها وبألف هنا.. 

كدا تكون وصفه البطاطا بالبشاميل خلصت يارب تكون عجبتكم هي وصفه سهله وبسيطه وهنزل لكم فيديو موضح بالخطوات اتمني تشاهدو فيديو طريقه البطاطا بالبشاميل... 

البطاطا بالبشاميل روووعه وبسيطه بالخطوات..