طريقه قص وخياطه طقم كبير كورنيش ثلاث ادوار

 طريقه قص وخياطه طقم كبير كورنيش ثلاث ادوار. 

طريقه قص وخياطه طقم كبير كورنيش ثلاث ادوار 

السلام عليكم ورحمة الله وبركاته 💜

انهارده ان شاء الله سيتم شرح الدرس الثالث من كورس تعليم الخياطه والتفصيل، 

طقم انهارده مميز جدا ومطلوب لان ناس كتير بتحب الاطقم بالكرانيش، الشغل كله هيكون فادوار الكرانيش تعالو نشوف مع بعض الطقم هياخد قماش اد ايه وهيتقص ازاي وكيفيه خياطته بالخطوات.. 

عدد امتار القماش المستخدمه:-

الطقم ماتشنج مابين قلوب كبيره وقلوب صغيره زي ماهو واضح فالصوره .. 👆

هياخد 4 متر من القماش القلوب الكبيره 

و 2 متر ونص قلوب صغيره كما هو موضح بالصوره. 

طبعا انتي بتختاري شكل القماش اللي انتي عوزاه وبتطبقي عليه بعدد الامتار اللي انا موضحاها. 

طريقه قص وخياطه الطقم:-

قصي 160 سم طلعي منهم المخدتين واظبطي رسمه القماش وحاولي تطلعي منها قلبين قصيهم عشان هتستخدميهم فالخدديات. 

وباقي قماش القلوب الكبيره هتبقي للملايه. 

بالنسبه للقماش القلوب الصغيره هتقصي متر للخدديات، 

وهتقصي 6 شرايط مقاس 20 سم للكرانيش الثلاث ادوار وهتشبكي كل اتنين مع بعض وبعدين تكرنشيهم وثبتيهم من طرف الملايه من تحت وطبعا متنسيش تعملي اوفر لاي حته محتاجه اوفر ( سرفله )، 

باقي شرايط الكرانيش هتتني الطرف وتكرنشي وتركبيها علي الملايه بحيث يكون طرف الكورنيش علي اول الطرف اللي قبله وهكذا هتعملي نفس الكلام فالكورنيش الثالث. 

بالنسبه للشغل الخاص بالخدديه،  هتقصي من باقي القماش شرايط بعرض 8 سم وهتخيطيهم فالخدديه وقبل متقفلي الخدديه خيطي علي وشها القلب وحطي عليه الورد الجوبير وبعدين ابدأي بتقفيل الخدديه. 

ان شاء الله تكون طريقه قص وخياطه الطقم سهله وبسيطه وتكونوا استفدتم 🌸💜🌸

بالتوفيق للجميع 🤍☺️..